បន្ទាយមានជ័យៈ នៅព្រឹកថ្ងៃទី២ ខែវិច្ឆិកា ឆ្នាំ២០២៥ របស់វិទ្យាស្ថានខេអាយអាយស៊ី សាខាខេត្តបន្ទាយមានជ័យ បានរៀបចំពិធីបើកបវេសនកាល និងវគ្គតម្រង់ទិសជំនាន់ទី១ ឆ្នាំសិក្សា២០២៥ ២០២៦។ កម្មវិធីនេះដែរក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ូ ប៊ុនហេង សមាជិកក្រុមប្រឹក្សាខេត្ត នឹងជាជំនួយការផ្ទាល់របស់ ឯកឧត្តម កែ គឹមយ៉ាន អ្នកតំណាងរាស្រ្ត នឹងជាឧត្តមក្រុមប្រឹក្សាផ្ទាល់ព្រះមហាក្សត្រ និងលោក ថោង សុផាណារិទ្ធ ប្រធានក្រុមប្រឹក្សាភិបាលវិទ្យាស្ថាន ដោយមានការអញ្ជើញចូលរួមពី នាយកប្រតិបត្តិទីតាំងគោល នាយកសាខាខេត្តបន្ទាយមានជ័យ និងលោកនាយកសាខា ខេត្តប៉ៃលិន ខេត្តបាត់ដំបង លោកគ្រូ អ្នកគ្រូ និងសិស្សានុសិស្ស ប្រមាណជាង ១០០នាក់។ 📜ពិធីនេះធ្វើឡើងនៅសាលប្រជុំ វិទ្យាស្ថានខេអាយអាយស៊ី ស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ 🚶សកម្មភាពនេះ បង្ហាញឱ្យឃើញអំពីវឌ្ឍនភាពវិទ្យាស្ថានខេអាយអាយស៊ី និងបង្ហាញពីការចូលរួមចំណែកការបណ្តុះបណ្តាលធនធានមនុស្សនៅកម្ពុជា។ 🎓គុណភាព ឧត្តមភាព សច្ចភាព កាងារ និងនាវានុវត្តន៍។